ព្រឹក​ថ្ងៃទី​១ ខែឧសភា ឆ្នាំ​២០២២ នេះ ពលរដ្ឋ​កម្ពុជា និងអ្នកដំណើរ​ភ្ញៀវទេសចរ បានចាប់ផ្តើម​ឆ្លងដែន​តាម​ច្រកព្រំដែន​អន្តរជាតិ កម្ពុជា ថៃ  ប៉ោយប៉ែត នៅ​ថ្ងៃ​ដំបូង​ដែល​ភាគី​ថៃ បើក​ឡើងវិញ

ប៉ោយប៉ែត៖ ព្រឹក​ថ្ងៃទី​១ ខែឧសភា ឆ្នាំ​២០២២ នេះ ពលរដ្ឋ​កម្ពុជា និងអ្នកដំណើរ​ភ្ញៀវទេសចរ បានចាប់ផ្តើម​ឆ្លងដែន​តាម​ច្រកព្រំដែន​អន្តរជាតិ កម្ពុជា ថៃ  ប៉ោយប៉ែត នៅ​ថ្ងៃ​ដំបូង​ដែល​ភាគី​ថៃ បើក​ឡើងវិញ ។ ​ពលរដ្ឋ​កម្ពុជា​ដែលជា​អាជីវករ ប្រកប​របរ​រកស៊ី​នៅ​ផ្សារ​រោង​ក្លឿ និង​ពលករ​ខ្មែរ ទៅ​ស្វែងរក​ការងារ​ធ្វើ នៅ​ដី​ថៃ ពួកគេ​បាន​ប្រើ​ប័ណ្ណ​ព្រំដែន (Border Pass)​។ បន្ទាប់មក គឺ​អ្នកដំណើរ និង​ភ្ញៀវទេសចរ ដែល​ប្រើប្រាស​លិខិតឆ្លងដែន (Passport) ហើយ​មានបំណង​ចូលទៅ​ប្រទេស​ថៃ ដើម្បី​ត្រួតពិនិត្យ​ឬ​ព្យាបាល​ជំងឺ ។

សូមជម្រាបថា ច្រកព្រំដែន​អន្តរជាតិ ប៉ោយប៉ែត​-​ខ្លង​លឹក នឹងត្រូវ បើក​ឱ្យ​អ្នកដំណើរ និង​ភ្ញៀវ ពលរដ្ឋ​ប្រទេស​ទាំង​២ ក៏ដូចជា​ជនបរទេស​ផ្សេងទៀត ក្នុង​ល័ក្ខខ័ណ្ឌ​ភ្ជាប់ អាច​ដំណើរ ការឆ្លង​ដែន​ចេញ​-​ចូល រវាង​ប្រទេស ទាំងពីរ នា​ថ្ងៃទី​១ ខែឧសភា ឆ្នាំ​២០២២ នេះ​តទៅ​។ ខាងថៃ​បាន​បើក​ច្រកព្រំដែន​គោក សម្រាប់ ប័ណ្ណ ព្រំដែន ដែល​កន្លង មក អាច​ចូល​បាន ក្នុង​រយៈពេល ៧​ថ្ងៃ ឥឡូវនេះ គឺ​ខាង​ភាគី​ថៃ អនុញ្ញាត​ឲ្យ​តែ​៣ថ្ងៃ​សិន ។ ចំពោះ​លិខិតឆ្លងដែន គឺ​អនុញ្ញាត​ឲ្យ​បាន រយ​:​ពេល ១៤​ថ្ងៃ ឬ​ជាធម្មតា ៕