លោក Antonio Guterres ប្រមុខ​អង្គការសហប្រជាជាតិ​ បាននិយាយថា អង្គការ​ពិភពលោក​មួយ​នេះ​នឹង​មិន​បោះបង់ចោល​គោលបំណង ​បញ្ចប់​សង្គ្រាម​របស់​រុស្ស៊ី​នៅ​ប្រទេស​អ៊ុយ​ក្រែ​ន​ឡើយ

អ៊ុយក្រែន៖ ​លោក Antonio Guterres ប្រមុខ​អង្គការសហប្រជាជាតិ​ បាននិយាយថា អង្គការ​ពិភពលោក​មួយ​នេះ​នឹង​មិន​បោះបង់ចោល​គោលបំណង ​បញ្ចប់​សង្គ្រាម​របស់​រុស្ស៊ី​នៅ​ប្រទេស​អ៊ុយ​ក្រែ​ន​ឡើយ និង​បង្កើន​ការ​គាំទ្រ​ដល់​ប្រជាជន​អ៊ុយ​ក្រែ​ន អំឡុង​ដំណើរ​ទស្សនកិច្ច​របស់​លោក​នៅ​ក្នុង​ទីក្រុង Kyiv កាលពី​ថ្ងៃ​ព្រហស្បតិ៍​។

​លោក Volodymyr Zelenskyy ​ប្រធានាធិបតី​អ៊ុយ​ក្រែ​ន​ និង​​ លោក Guterres បាន​ថ្លែង​ថា ​សង្គ្រាម​ត្រូវតែ​បញ្ចប់ ហើយ​សន្តិភាព​ត្រូវតែ​ត្រូវ​បាន​បង្កើត​ឡើងស្រប​តាម​ធម្មនុញ្ញ​អង្គការសហប្រជាជាតិ និង​ច្បាប់​អន្តរជាតិ។ មេដឹកនាំ​ទាំង​២ បាន​ជួប​ពិភាក្សា​គ្នា​រយៈ​ពេល​ជាង ៩០​នាទី​កាលពី​ថ្ងៃ​ព្រហស្បតិ៍​នៅ​ការិយាល័យ​របស់​លោក Zelenskyy នៅ​ក្នុង​ទីក្រុង Kyiv

លោក Antonio Guterres បានបន្តទៀតថា លោក​នៅ​ទី​នេះ​ដើម្បី​ផ្ដោត​លើ​មធ្យោបាយ​ដែល​អង្គការ​សហ​ប្រជា​ជាតិ ​អាច​ពង្រីក​ការ​គាំទ្រ​ដល់​ប្រជាជន​អ៊ុយ​ក្រែ​ន ដោយ​ការ​ជួយ​សង្គ្រោះ​អាយុជីវិត​កាត់បន្ថយ​ទុក្ខវេទនា និង​ជួយ​ស្វែង​រក​ផ្លូវ​នៃ​សន្តិភាព៕