កាលពីថ្ងៃអង្គារ ខែមេសាម្សិលមិញ អាជ្ញាធរអ៊ុយក្រែន បានរុះរើរូបសំណាកដ៏ធំមួយ សល់ពីអតីតសម័យសហភាពសូវៀត ដែលជានិមិត្តរូបនៃមិត្តភាព រវាងរុស្ស៊ី និងអ៊ុយក្រែន

(កៀវ)៖ កាលពីថ្ងៃអង្គារ ខែមេសាម្សិលមិញ អាជ្ញាធរអ៊ុយក្រែន បានរុះរើរូបសំណាកដ៏ធំមួយ សល់ពីអតីតសម័យសហភាពសូវៀត ដែលជានិមិត្តរូបនៃមិត្តភាព រវាងរុស្ស៊ី និងអ៊ុយក្រែន ស្ថិតនៅចំកណ្តាលទីក្រុងកៀវ ជាការឆ្លើយតបទៅនឹងការឈ្លានពានរបស់ទីក្រុងមូស្គូ។ នេះបើតាមការផ្សាយរបស់សារព័ត៌មាន Reuters នៅថ្ងៃពុធ ទី២៧ ខែមេសា ឆ្នាំ២០២២។

លោក វីតាលី ឃ្លីតស្កូ (Vitaly Klitschko) អតិតអ្នកប្រដាល់ទម្ងន់ធ្ងន់ពិភពលោក នឹងជាអភិបាលទីក្រុងកៀវ បាននិយាយថា «ឥឡូវនេះ យើងមើលឃើញយ៉ាងច្បាស់ថាអ្វីគឺជាមិត្តភាពនេះ នោះគឺការបំផ្លិចបំផ្លាញទីក្រុងជាច្រើនរបស់អ៊ុយក្រែន … ការសម្លាប់មនុស្សរាប់ម៉ឺននាក់។ ខ្ញុំជឿជាក់ថាអត្ថន័យនៃរូបសំណាកនេះបានផ្លាស់ប្តូរទាំងស្រុង នៅពេលនេះ»៕