មន្រ្តីនគរបាលរបស់លោកចំនួន២រូប បានស្លាប់ដោយសារក្រុមជនល្មើសបាញ់ត្រូវ ខណៈម្នាក់របួសធ្ងន់

​​ (កណ្តាល)៖ នៅរសៀលថ្ងៃទី២១ ខែមេសា ឆ្នាំ២០២២ ឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានបញ្ជាក់ប្រាប់ថា នៅក្នុងប្រតិបត្តិការបង្ក្រាបបទល្មើសគ្រឿងញៀន នៅស្រុកអង្គស្នូល ខេត្តកណ្តាល មន្រ្តីនគរបាលរបស់លោកចំនួន២រូប បានស្លាប់ដោយសារក្រុមជនល្មើសបាញ់ត្រូវ ខណៈម្នាក់របួសធ្ងន់។

មន្ត្រីនគរបាលដែលបាត់បង់ជីវិតនោះរួមមាន៖

ទី១៖ ជនរងគ្រោះ​ឈ្មោះ ជុច សុភា ជា​មេ​ប៉ុស្តិ៍​ទួល​ព្រិច និងទី២៖ ឈ្មោះ រី​ម សុផាន់​ណា មន្ត្រី​ផ្នែក​គ្រឿងញៀន​។​ ដោយឡែក​ខ្មាន់កាំភ្លើង និងបក្ខពួកមួយចំនួន ក្នុងចំណោម៥នាក់ក៏ត្រូវ​សមត្ថកិច្ច​ចាប់​ខ្លួន​បាន​ផងដែរ៕