កីឡាករ Eric Pen អ្នកប្រដាល់ កូនកាត់ ខ្មែរ – អាមេរិក មិនអាចចូលរួម ស៊ីហ្គេមលើកទី៣១ នៅ ប្រទេសវៀតណាម ដោយសារ បញ្ហាទម្ងន់មិនអាចសម្រកបាន

 ភ្នំពេញ​៖ កីឡាករ Eric Pen អ្នកប្រដាល់ កូនកាត់ ខ្មែរ – អាមេរិក មិនអាចចូលរួម ស៊ីហ្គេមលើកទី៣១ នៅ ប្រទេសវៀតណាម ដោយសារ បញ្ហាទម្ងន់មិនអាចសម្រកបាន។

លោក ប៊ុ​យ សុ​ភ័​ណ្ឌ អគ្គលេខាធិការសហព័ន្ធ​កីឡា​ប្រដាល់សកលកម្ពុជា​ បានប្រាប់ឱ្យដឹងថា ស៊ី​ហ្គេម​លើក​ទី​៣១ នៅប្រទេសវៀតណាម គឺគ្មានឈ្មោះ ​កីឡាករ Eric Pen កូនកាត់​ខ្មែរ​-​អាមេរិក ដែលជា​ម្ចាស់​ខ្សែក្រវាត់ WBA Asia នោះទេ ដោយសារលើសទម្ងន់។

សូមជម្រាបថា កីឡាករ Eric Pen ត្រូវ​ប្រកួត​ក្នុង​ទម្ងន់ ៩១ គីឡូក្រាម ដោយសារបញ្ហា មិនអាចធ្វើទម្ងន់ឱ្យស្រក តាម​ការកំណត់ (៩១​គីឡូក្រាម​) សម្រាប់​គេមានការពិបាក ក្នុងការ​ទម្លាក់​ទម្ងន់ ។ ប៉ុន្តែសម្រាប់​នៅ​ស៊ី​ហ្គេម នៅ​ប្រទេស​កម្ពុជា ឆ្នាំ​២០២៣ គឺសហព័ន្ធ នឹងដាក់​ឲ្យ​រូបគេ​លេង​លើប្រភេទ ទម្ងន់៩២ បូក​តែម្ដង ពោលគឺ​ឲ្យ​តែមាន​ទម្ងន់ ចាប់ពី (៩២​គីឡូក្រាម) ឡើងទៅ គឺ​ប្រកួត​បាន​ហើយ ដូច្នេះកីឡាករ Eric Pen នៅតែ​ជាក្ដីសង្ឈឹម រក​មេដាយ​ជូន​កម្ពុជា ​នៅ​ស៊ី​ហ្គេមឆ្នាំ​២០២៣  ៕