នៅព្រឹកថ្ងៃទី២០ ខែមេសា ឆ្នាំ២០២២នេះ មានសប្បុរសជនពីរក្រុមផ្សេងគ្នា បានអញ្ជើញចូលរួម​បរិច្ចាគ​ថវិកាជូនកាកបាទក្រហមកម្ពុជា នៅអគារទីស្នាក់ការកណ្តាល កាកបាទក្រហមកម្ពុជា

ភ្នំពេញ៖ ដើម្បីបន្តឧបត្ថម្ភគាំទ្រដល់សកម្មភាពមនុស្សធម៌របស់ កាកបាទក្រហមកម្ពុជា នៅព្រឹកថ្ងៃទី២០ ខែមេសា ឆ្នាំ២០២២នេះ មានសប្បុរសជនពីរក្រុមផ្សេងគ្នា បានអញ្ជើញចូលរួម​បរិច្ចាគ​ថវិកាជូនកាកបាទក្រហមកម្ពុជា នៅអគារទីស្នាក់ការកណ្តាល កាកបាទក្រហមកម្ពុជា។

ក្រុមទី១.ដឹកនាំដោយឯកឧត្តម ឡុង ណារ៉ូ អគ្គនាយក និងមន្ត្រីនិយោជិត រដ្ឋាករទឹកស្វយ័ត​ក្រុងភ្នំពេញ បានឧបត្ថម្ភថវិកាចំនួន ៥ម៉ឺនដុល្លារអាមេរិក។

ក្រុមទី២.តំណាងឯកឧត្តម ឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងលោកជំទាវ ឧបត្ថម្ភថវិកា​ចំនួន ៣ម៉ឺនដុល្លារអាមេរិក ​។ ដើម្បីមានធនធាន បន្តផ្តល់សេវាកម្ម​មនុស្សធម៌ ​ដោះស្រាយបញ្ហាប្រឈមនានា ​បន្តពង្រឹងភាពធន់​សហគមន៍ និងជួយ​សម្រាល​ទុក្ខលំបាកប្រជាពលរដ្ឋរងគ្រោះ និងងាយរងគ្រោះបំផុត ​តាម​គោលការណ៍​គ្រឹះរបស់​ចលនា​អន្តរជាតិ​កាកបាទក្រហម និងអឌ្ឍចន្ទក្រហម។

ក្នុងឱកាសនោះលោកជំទាវកិត្តិបណ្ឌិត អ៊ុក ម៉ាលី អគ្គហេរញ្ញិក កាកបាទក្រហមកម្ពុជា តំណាង​ដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សូមថ្លែង​អំណរ​គុណ​យ៉ាងជ្រាលជ្រៅ​បំផុតចំពោះ​ ឯកឧត្តម ជា សុផារ៉ា ​ឧបនាយករដ្ឋមន្ត្រី រដ្ឋមន្ត្រីក្រសួង​រៀបចំ​ដែនដី នគរូបនីយកម្ម និងសំណង់ ​និងលោកជំទាវ ​និងឯកឧត្តម ឡុង ណារ៉ូ អគ្គនាយក និង​មន្ត្រីនិយោជិត រដ្ឋាករទឹកស្វយ័តក្រុងភ្នំពេញ ​ដែល​បាន​ឧបត្ថម្ភ​ថវិកាទាំងនេះ ជូនកាកបាទ​ក្រហម​កម្ពុជាផងដែរ៕ ​