​លោក Volodymyr Zelenskyy ប្រធានាធិបតី​អ៊ុយ​ក្រែ​ន បាន​ពិភាក្សា​អំពី​ការ​ទទួល​បាន​ការ​គាំទ្រ​បន្ថែម​ទៀត​ពី​សហរដ្ឋអាមេរិក ក្នុងអំឡុងពេល​ការសន្ទនា​តាម​ទូរស័ព្ទ​ជាមួយ​សម​ភាគី​សហរដ្ឋ​អាមេរិក

អ៊ុយក្រែន៖ ​លោក Volodymyr Zelenskyy ប្រធានាធិបតី​អ៊ុយ​ក្រែ​ន បាន​ពិភាក្សា​អំពី​ការ​ទទួល​បាន​ការ​គាំទ្រ​បន្ថែម​ទៀត​ពី​សហរដ្ឋអាមេរិក ក្នុងអំឡុងពេល​ការសន្ទនា​តាម​ទូរស័ព្ទ​ជាមួយ​សម​ភាគី​សហរដ្ឋ​អាមេរិក​។

​លោក Serhii Nikiforov បាន​និយាយ​ថា លោក Zelenskyy បាន​សន្ទនា​ជាមួយ​ប្រធានាធិបតី​អាមេរិកលោក Joe Biden អំពី​បញ្ហា​មួយ​ចំនួន រួម​ទាំង​ការ​ផ្គត់ផ្គង់​អាវុធ​ដល់​អ៊ុយ​ក្រែ​ន និង​ការ​ដាក់​ទណ្ឌកម្ម​បន្ថែម​ទៀត​លើ​ទីក្រុង​មូស្គូ​។ ​លោក Biden បាន​យល់ព្រម​លើ​ជំនួយ​យោធា​ថ្មី​ដល់​អ៊ុយ​ក្រែ​នរួមមាន​ទាំង​កាំភ្លើង​ធំ និង​ឧទ្ធម្ភាគចក្រ ដើម្បី​ពង្រឹង​ការ​ការពារ​របស់​ខ្លួន​ប្រឆាំង​ការ​វាយ​លុក​របស់​រុស្ស៊ី​ នៅ​ភាគ​ខាងកើត​របស់​ប្រទេស​អ៊ុយ​ក្រែ​ន​។​ លោក Biden បាន​និយាយ​ថា សហរដ្ឋអាមេរិក​នឹង​បន្ត​ធ្វើការ​ជាមួយ​សម្ព័ន្ធមិត្តដើម្បី​ចែករំលែក​អាវុធ និង​ធនធាន​បន្ថែម​ទៀត ខណៈ​ជម្លោះ​នៅតែ​បន្ត៕