​លោក​ Volodymyr Zelenskyy ប្រធានាធិបតី​អ៊ុយ​ក្រែ​ន ៖ ពិភពលោក​ពោ​រពេញ​ដោយ​ប្រជាធិបតេយ្យ​ត្រូវតែ​ឈប់​ទិញ​ប្រេង​របស់​រុស្ស៊ី និង​កាត់ផ្ដាច់​ធនាគារ​រុស្ស៊ី​ទាំងស្រុង​ចេញពី​ប្រព័ន្ធ​ហិរញ្ញវត្ថុ

អ៊ុយ​ក្រែ​ន៖ ​លោក​ Volodymyr Zelenskyy ប្រធានាធិបតី​អ៊ុយ​ក្រែ​ន បានបញ្ចេញ​សារ​ជា​វីដេអូ ​របស់​លោក​នៅ​ព្រឹក​ថ្ងៃ​ព្រហស្បតិ៍​នេះ​ថា ពិភពលោក​ពោ​រពេញ​ដោយ​ប្រជាធិបតេយ្យ​ត្រូវតែ​ឈប់​ទិញ​ប្រេង​របស់​រុស្ស៊ី និង​កាត់ផ្ដាច់​ធនាគារ​រុស្ស៊ី​ទាំងស្រុង​ចេញពី​ប្រព័ន្ធ​ហិរញ្ញវត្ថុ​។ ឲ្យ​សម​ល្មម​ដែល​រុស្ស៊ី​ត្រូវ​បញ្ចប់​សង្គ្រាម​របស់​ខ្លួនបន្ទាប់ពី​ការ​ចោទ​ប្រកាន់​ថា ​ប្រទេស​មួយ​ចំនួន​នៅតែ​យក​លុយ​ជាធំជុំវិញ​ការ​ដាក់​ទណ្ឌកម្ម​ចំពោះ​ការ​សម្លាប់​ជន​ស៊ីវិល ដែល​លោក​ខាង​លិច​ថ្កោល​ទោស​ថា​ ជា​ឧក្រិដ្ឋកម្ម​សង្គ្រាម​។

​លោក Zelenskiyy បាន​និយាយ​ថា ​កងកម្លាំង​វិមាន​ក្រឹម​ឡាំង​កំពុង​ព្យាយាម​បិទបាំង​ភស្តុតាង​នៃ​អំពើ​ឃោរឃៅ​របស់​ខ្លួន​ បន្ទាប់ពី​រូបភាព​សាក​សព​ជន​ស៊ីវិល​ដេក​ស្លាប់​រដូករណែល​ តាម​ផ្លូវ​ក្នុង​ទីក្រុង Bucha នាំ​ឲ្យ​មានការ​ថ្កោលទោស​ជា​អន្តរជាតិ៕