ក្រុមជម្រើសជាតិបាល់ទាត់ ​ជប៉ុនបានយកឈ្នះម្ចាស់ផ្ទះ ​អូស្ត្រាលី ២-០ ដើម្បី​កក់​កៅអី​ទៅព្រឹត្តិការណ៍​បាល់ទាត់​ពិភពលោក World Cup 2022 ប្រទេស​កាតា​ហើយ

ក្រុមជម្រើសជាតិបាល់ទាត់ ​ជប៉ុនបានយកឈ្នះម្ចាស់ផ្ទះ ​អូស្ត្រាលី ២-០ ដើម្បី​កក់​កៅអី​ទៅព្រឹត្តិការណ៍​បាល់ទាត់​ពិភពលោក World Cup 2022 ប្រទេស​កាតា​ហើយ។

បាល់ទាត់៖ កីឡាករ Kaoru Mitoma ​ខ្សែប្រយុទ្ធ​របស់​ក្លិប​ Brighton បានស៊ុតបញ្ចូលទី ឱ្យជប៉ុន​នៅ​នាទី​ទី៨៩ និង ​នាទី​ទី៩០+៤ ដើម្បីយកឈ្នះ ​អូស្ត្រាលី ២-០ ។ ដូច្នេះ ក្រុមបាល់ទាត់ ​ជប៉ុន​បាន​កក់​កៅអី​ព្រឹត្តិការណ៍​បាល់ទាត់​ពិភពលោក World Cup 2022 នៅប្រទេស​កាតា​ហើយ។ ជ័យជំនះ​នេះ​ធ្វើឱ្យ​ ក្រុមសាមូរ៉ៃ​ជប៉ុន បាន​កៅអី World Cup ដោយស្វ័យប្រវត្តិ ទោះសល់មួយ ប្រកួតទៀតក្នុងដៃក៏ដោយ នេះជាលើក​ទី៧ ដែល​ជប៉ុន​បង្ហាញខ្លួន នៅព្រឹត្តិការណ៍​បាល់ទាត់​ពិភពលោក World Cup 2022 នៅប្រទេស​កាតាផងដែរ។

សូមបញ្ចាក់ថា អារ៉ាប៊ីសា​អ៊ូ​ឌីត​ ក៏មាន​កៅអី ទៅWorld Cup ដោយ​ស្វ័យប្រវត្តិដែរ ទោះការប្រកួតយប់មិញ មិនអាចធ្វើអី ក្រុមម្ចាស់ផ្ទះចិន ដោយបានត្រឹមស្មើ ១ទល់និង១ ក៏ដោយ ។ ដោយឡែក ​អូស្ត្រាលី​ក៏​មិនទាន់​អស់ឱកាស​ដែរ ដោយ​នៅសល់​ឱកាស​ប្រកួត​វគ្គ Play-Off ដើម្បីបន្ត​ក្តីសង្ឃឹម​បានទៅលេង World Cupផងដែរ៕