បណ្ដា​មេដឹកនាំ​លោកខាងលិច បាន​ថ្កោលទោស​ការ​វាយ​លុក​របស់​ក្រុង Moscow លើ​ប្រទេសអ៊ុយគ្រែន ជា​អំពើ​ព្រៃផ្សៃ

អឺរ៉ុប៖ កាលពី​ថ្ងៃ​ព្រហស្បតិ៍ម្សិលមិញ បណ្ដា​មេដឹកនាំ​លោកខាងលិច បាន​ថ្កោលទោស​ការ​វាយ​លុក​របស់​ក្រុង Moscow លើ​ប្រទេសអ៊ុយគ្រែន ជា​អំពើ​ព្រៃផ្សៃ ខណៈ​ប្រជា​ពលរដ្ឋ​អ៊ុយ​ក្រែ​ន​រាប់ពាន់នាក់​នៅក្នុង​ទីក្រុង​មួយចំនួន​ ដែល​រង​ការឡោមព័ទ្ធ​បាន​ស្នាក់​នៅក្នុង​បន្ទប់ក្រោមដី ​។

​ទីក្រុង​វ៉ាស៊ីនតោន និង​ទីក្រុង​ឡុង​ដ៍​បាន​បង្កើន​ជំនួយ​ និង​ពង្រីក​ទំហំ​ទណ្ឌកម្ម​ទៅ​លើ​គោលដៅ​ថ្មីៗរបស់រុស្ស៊ីផងដែរ។ លោកនាយក​រដ្ឋមន្ត្រី​អង់គ្លេស Boris Johnson បាន​និយាយ​ថា លោក ​Putin បាន​រំលង​បន្ទាត់​ក្រហម​រួច​ទៅ​ហើយ ចូល​ទៅ​ក្នុង​ភាព​សាហាវ​ព្រៃផ្សៃ​នៃ​សង្គ្រាម​រុស្ស៊ី​លើ​ពលរដ្ឋ​អ៊ុយ​ក្រែ​ន​៕