​លោក Josep Borrell ប្រមុខការទូតជាន់ខ្ពស់ សហភាព​អឺរ៉ុប បាន​ព្រមាន​ថា ​ប្លុក​អឺរ៉ុបត្រូវតែ​ធ្វើ​អ្វី​ដែល​អាច​ជៀស​ផុត​ពី​ការ​រីក​កាន់តែ​ធំ​នៃ​សង្គ្រាម ស្រប​ពេល​ជម្លោះ​រវាង​អ៊ុយ​ក្រែ​ន និង​រុស្ស៊ី​នៅតែ​បន្ត

អឺរ៉ុប៖ ​លោក Josep Borrell ប្រមុខការទូតជាន់ខ្ពស់ សហភាព​អឺរ៉ុប បាន​ព្រមាន​ថា ​ប្លុក​អឺរ៉ុបត្រូវតែ​ធ្វើ​អ្វី​ដែល​អាច​ជៀស​ផុត​ពី​ការ​រីក​កាន់តែ​ធំ​នៃ​សង្គ្រាម ស្រប​ពេល​ជម្លោះ​រវាង​អ៊ុយ​ក្រែ​ន និង​រុស្ស៊ី​នៅតែ​បន្ត​។

លោក Borrell បាន ថ្លែង​ទៅកាន់​សារព័ត៌មាន Franceinfo កាលពី​ថ្ងៃ​ព្រហស្បតិ៍ថា អឺរ៉ុប​នឹង​បញ្ជូន​អាវុធ និង​យុទ្ធោបករណ៍​ការពារ​ជាតិ​ដោយ​គ្មាន​សង្ស័យ​ទៅកាន់​អ៊ុយ​ក្រែ​ន ។ទោះ​មាន​សំណើ​នេះ​ក៏ដោយ​លោក​បាន​បញ្ជាក់​ច្បាស់​ៗ​ថា សហ​ភាព​អឺរ៉ុប​ត្រូវតែ​ប្រុងប្រយ័ត្ន​ដើម្បី​បញ្ចៀស​សង្គ្រាម​ជាមួយ​រុស្ស៊ី ព្រោះអាច​ឲ្យ​មាន​សង្គ្រាម​លោក​លើក​ទី​៣​។ ខណៈ​ដែល​សហភាព​អឺរ៉ុប​កំពុង​ស្វែងរក​ការ​ដាក់​ទណ្ឌកម្ម ​លើ​រុស្ស៊ី​ខាង​ហិរញ្ញវត្ថុ​ចំពោះ​ជម្លោះ​នៅ​អ៊ុយ​ក្រែ​ន លោក Borrell បាន​បង្ហាញ​ការប្រុងប្រយ័ត្ន​អំពី​លទ្ធភាព​ នៃ​ការ​ហាម​ប្រាម​លើ​ការ​នាំចូល​ប្រេង និង​ឧស្ម័ន​របស់​រុស្ស៊ី​ទៅកាន់​សហភាព​អឺរ៉ុប ដោយ​អះ​អាង​ថា​នេះ​ជា​ការ​សម្រេចចិត្ត​ដ៏​លំបាក​សម្រាប់​ប្លុក​នេះ ខណៈ​ដែល​សហភាព​អឺរ៉ុប​ពឹងផ្អែក​ការ​នាំ​ចូល​ថាមពល​យ៉ាង​ច្រើន​ពី​រុស្ស៊ី៕

Leave a Reply

Your email address will not be published.