ការបែកធ្លាយនូវសំលេង នាង ឈឹម ស៊ីថរ ធ្វើការណែនាំ និងបង្រៀនទៅបាតុករថា «ឥឡូវនេះដល់វគ្គយើងចង់ឱ្យគេ (សមត្ថកិច្ច) ចាប់ហើយ»

នៅយប់ថ្ងៃទី30 ខែធ្នូ ឆ្នាំ2021 Facebook ឈ្មោះ Srey Aun Naga (ស្រីអូនណាហ្កា) បានបង្ហោះផ្សាយវីដេអូភ្ជាប់ជាមួយនឹងខ្លឹមសារថា «ខ្ញុំសូមឱ្យគ្នាយើងដែលកំពុងប្រមូលផ្តុំតវ៉ានៅមុខកាស៊ីណូ Naga នេះ កុំប្រថុយធ្វើតាមល្បិចសាច់កម្ម ដែលនាង ឈឹម ស៊ីថរ បានណែនាំ បង្រៀនយើងតាមការប្រជុំ Zoom ឱ្យធ្វើសកម្មភាពញុះញង់ក្នុងចេតនាចង់ឱ្យសមត្ថកិច្ចចាប់ខ្លួន បង្កឱ្យកើតជាអំពើហិង្សា។»

នៅក្នុងវីដេអូដែលភ្ជាប់មកជាមួយនោះ បានទម្លាយពីផែនការដែលនាង ឈឹម ស៊ីថរ ធ្វើការណែនាំ និងបង្រៀនទៅបាតុករថា «ឥឡូវនេះដល់វគ្គយើងចង់ឱ្យគេ (សមត្ថកិច្ច) ចាប់ហើយ»

ការបែកធ្លាយនូវសំលេងនេះ កើតមានបន្ទាប់ពីសាលារាជធានីភ្នំពេញ នៅល្ងាចមិញនេះ បានចេញសេចក្តីអំពាវនាវ ឱ្យពួកបាតុករនៅខាងមុខណាហ្កាវើល បញ្ឈប់បាតុកម្មខុសច្បាប់ផងដែរ។

សូមស្តាប់សំឡេង នាង ឈឹម ស៊ីថរ បានញុះញង់ឱ្យសមត្ថកិច្ចចាប់ខ្លួន៖

Leave a Reply

Your email address will not be published.