ការចញ្ចឹមជ្រូកកណ្ដុរ កំពុងរកចំណូលបានខ្ពស់ នៅក្នុងសហគមន៍ លើ​ខ្នងភ្នំ​គូលែន

សៀមរាបៈ ប្រជា​សហគមន៍ រស់​នៅលើ​ខ្នងភ្នំ​គូលែន ខេត្តសៀមរាប អាច​រកចំណូលបាន កាន់តែ​ខ្ពស់ ក្នុងការ​ចិញ្ចឹម​ជ្រូក​ណ្តុ​រ។

​​ប្រជា​សហគមន៍  រស់​នៅលើ​ខ្នងភ្នំ​គូលែន ខេត្តសៀមរាប ឱ្យដឹងថា ពួកគាត់ អាច​រកចំណូលបាន ក្នុង​មួយឆ្នាំ ប្រមាណ ៣.០០០ -៤.០០០ ដុល្លារ ហើយ​ដែល​អាចជួយ​ទ្រទ្រង់ ជីវភាព​របស់​ពួកគាត់ ឱ្យ​ប្រសើរ​ជាង​មុន​។​ ពួកគាត់ អាច​លក់​សម្រាប់ ធ្វើជា​ជ្រូក​កណ្តុរ​ដុត ឬ​ជ្រូក​កណ្តុរ​ខ្វៃ សម្រាប់​លក់​ជូន​ដល់ ភ្ញៀវទេសចរ ដែល​និយម​បរិភោគ នាពេល​បច្ចុប្បន្ន​។ ចំពោះ​រសជាតិ​របស់​ជ្រូក​កណ្តុរ ចិញ្ចឹម​តាមបែប​ធម្មជាតិ ទាំង​ស្បែក និង​សាច់ មាន​រសជាតិ ឆ្ងាញ់ ជាង​ជ្រូក​នាំចូល​។​

​លោក ស៊ឹម សុខ ជា​ប្រជា​សហគមន៍  ដែល​ចិញ្ចឹម​ជ្រូក​ណ្តុ​រ ជាច្រើន​ឆ្នាំ មកហើយ រូបនេះ បានឱ្យដឹង​បន្ថែមថាៈ “​ក្នុង​ទំហំ​ដី ២០ គុណ​នឹង ៦០ ម៉ែត្រ គឺ​ខ្ញុំ​បានរៀបចំ​ទីកន្លែង ចិញ្ចឹម​ជ្រូក​និង​ចិញ្ចឹម​មាន់ ហើយ​ទំហំ​ដី​ប៉ុន​នេះ ខ្ញុំ​អាច​រកប្រាក់​ចំណូល សម្រាប់​ចិញ្ចឹម​គ្រួសារ បាន​យ៉ាង​សុខ​ស្រួល ជាង​មុន​”​។​ លោកបានបន្ថែមថា ជ្រូក​កណ្តុរ ជា​ប្រភេទ​សត្វ ងាយស្រួល​ចិញ្ចឹម ស៊ី​ចំណី​ធម្មជាតិ ដូចជា ដើម​ចេក កន្ទក់ ឬ អ្វី​ផ្សេង​ពីនេះ ហើយ​នៅពេល​ជ្រូក ទម្ងន់​ចាប់ពី ៦ គីឡូ ដល់​ជាង ១០ គីឡូក្រាម គាត់​អាច​លក់បាន​។ តម្លៃជ្រូករស់គាត់អាចលក់​បាន​មួយ​ក្បាល  ៤០ ម៉ឺន​រៀល។

​លោកបានបញ្ចាក់ទៀតថា ទាក់ទិន​នឹង​រឿង​ជ្រូក​នេះដែរ គាត់បាន​ណែនាំ​ដល់​ក្រុម​អ្នក ទេសចរ និង​ពលរដ្ឋ​កម្ពុជា មិនត្រូវ​ចាញ់បោក​គេ​ឡើយ ពីព្រោះថា ជ្រូក​កណ្តុរ គឺជា​ជ្រូក ងាយ​ចំណាំ គឺមាន​ច្រមុះ​ស្រួច ជើង​តូច ត្រចៀក​តូច ហើយ​បើ​ខុស​លក្ខណៈ​នេះ គឺជា​ជ្រូក ធម្មតា​ទេ​៕​

​ ​ ​

Leave a Reply

Your email address will not be published.