(អ៊ុយក្រែន)៖ លោកប្រធានាធិបតីអ៊ុយក្រែន Volodymyr Zelenskyy កាលពីថ្ងៃចន្ទម្សិលមិញ បានថ្លែងទៅកាន់ក្រុមមេដឹកនាំ G7 ថា ជម្លោះរវាងរុស្ស៊ី និងអ៊ុយក្រែនត្រូវតែបញ្ចប់នៅដំណាច់ឆ្នាំនេះ លោក Zelenskyy ក៏បានអំពាវនាវផងដែរឲ្យបង្កើនទណ្ឌកម្មកាន់តែធ្ងន់ធ្ងរជាងនេះទៀតលើទីក្រុង Moscow។
លោក Zelensky ថ្លែងទៅកាន់ក្រុមមេដឹកនាំចក្រភពអង់គ្លេស កាណាដា បារាំង អាល្លឺម៉ង់ អ៊ីតាលី ជប៉ុន និងសហរដ្ឋអាមេរិកតាមវីដេអូ ថាទាហានអ៊ុយក្រែនបានប្រយុទ្ធក្នុងពេលវេលាដ៏លំបាកបំផុត ប្រឆាំងនឹងកងកម្លាំងរុស្ស៊ីនៅពេលរដូវរងាដ៏គ្រោះថ្នាក់ចូលមកដល់ ដោយជំរុញឲ្យក្រុមមេដឹកនាំប្រទេស G7 ប្រឹងប្រែងឲ្យអស់ពីលទ្ធភាពដើម្បីបញ្ឈប់ជម្លោះនៅត្រឹមដំណាច់ឆ្នាំនេះ ស្របពេលស្នើសុំប្រព័ន្ធប្រឆាំងយន្តហោះ ព្រមទាំងការធានាសន្តិសុខ៕