កាលពីថ្ងៃអាទិត្យម្សិលមិញ កូរ៉េខាងជើង បានបាញ់សាកល្បងកាំភ្លើងធំជាច្រើនគ្រាប់ នេះជាការបង្ហាញសាច់ដុំ មួយថ្ងៃបន្ទាប់ពីលោក គីម ជុងអ៊ុន សន្យាពង្រឹងសមត្ថភាពយោធា

(សេអ៊ូល)៖  កាលពីថ្ងៃអាទិត្យម្សិលមិញ កូរ៉េខាងជើង បានបាញ់សាកល្បងកាំភ្លើងធំជាច្រើនគ្រាប់ នេះជាការបង្ហាញសាច់ដុំ មួយថ្ងៃបន្ទាប់ពីលោក គីម ជុងអ៊ុន សន្យាពង្រឹងសមត្ថភាពយោធា។

យោធាកូរ៉េខាងត្បូង សេចក្ដីថ្លែងការណ៍របស់ខ្លួនមិនបានបញ្ជាក់អ្វីលម្អិតបន្ថែមនោះទេ ដោយគ្រាន់តែឱ្យដឹងថាការបាញ់កាំភ្លើងធំរបស់កូរ៉េខាងជើង គឺជាសកម្មភាពធម្មតា នៃការបាញ់សាកល្បងកាំភ្លើងធំរយៈចម្ងាយខ្លី និងរយៈកម្ពស់ទាប។

សូមបញ្ចាក់ថា ការបាញ់កាំភ្លើងធំខាងលើរបស់កូរ៉េខាងជើង កើតមានឡើងបន្ទាប់ពីលោក គីម ជុងអ៊ុន បានបង្ហើបពីគោលបំណងបន្តអភិវឌ្ឍ និងពង្រឹង សមត្ថភាពយោធា ដើម្បីការពារអធិបតេយ្យភាពនៃប្រទេសរបស់លោក ខណៈលោកបិទបញ្ចប់កិច្ចប្រជុំពេញអង្គនៃគណៈកម្មាធិការមជ្ឈិមបក្សពលករកូរ៉េ ចំពោះមុខការបារម្ភថាទីក្រុងព្យុងយ៉ាងអាចនឹងធ្វើតេស្ដអាវុធនុយក្លេអ៊ែរឡើងវិញ ឆាប់ៗនេះ៕