លោកស្រី ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងបង្ការជំងឺកូវីដ១៩ ក្របខ័ណ្ឌទូទាំងប្រទេស បានដឹកនាំក្រុមការងារចុះពិនិត្យដំណើរការចាក់វ៉ាក់សាំងបង្ការជំងឺកូវីដ១៩ នៅតាមបណ្ដាកោះនានា ក្នុងស្រុកកោះកុង ខេត្តកោះកុង

(កោះកុង)៖ នៅព្រឹកថ្ងៃទី០៤ ខែឧសភា ឆ្នាំ២០២២នេះ លោកស្រី ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងបង្ការជំងឺកូវីដ១៩ ក្របខ័ណ្ឌទូទាំងប្រទេស បានដឹកនាំក្រុមការងារចុះពិនិត្យដំណើរការចាក់វ៉ាក់សាំងបង្ការជំងឺកូវីដ១៩ នៅតាមបណ្ដាកោះនានា ក្នុងស្រុកកោះកុង ខេត្តកោះកុង ហើយក៏មានការចូលរួមពី លោកស្រី លី អាយលែន ប្រធានអង្គការសុខភាពពិភពលោកប្រចាំប្រទេសកម្ពុជា និងលោក ទៅ ម៉ឹង ប្រធានមន្ទីរសុខាភិបាលខេត្តកោះកុង ព្រមទាំងមន្ដ្រីពាក់ព័ន្ធជាច្រើនទៀតផងដែរ។

សូមជម្រាបថា បើទោះបីនៅតាមបណ្ដាកោះឆ្ងាយពីដីគោកក៏ពិតមែន ប៉ុន្ដែប្រជាពលរដ្ឋនៅទីនេះទទួលបាននូវការចាក់វ៉ាក់សាំងបានគ្រប់ៗគ្នា តាំងពីដូសមូលដ្ឋាន រហូតដល់ដូសទី៣ ទី៤ ដែលជាដូសជំរុញផងដែរ៕