បន្ទាយមានជ័យ៖ កាលពីថ្ងៃទី២៦ ខែមេសា ឆ្នាំ២០២២ម្សិលមិញ លោកវរសេនីយ៍ឯក ឡុង សំណាង មេបញ្ជាការ នគរបាលការពារព្រំដែនគោក វរសេនាតូចលេខ ៧០៨ បានអោយដឹងថា កម្លាំងនគរបាលប៉ុស្តិ៍ព្រំដែនអូរសាយ ដឹកនាំដោយលោក អនុសេនីយ៍ឯក ម៉ៅ ដារ៉ា នាយប៉ុស្តិ៍ សហការជាមួយយោធាផ្នែកសឹករង ស្រុកថ្មពួក ដឹកនាំដោយលោកវរសេនីយ៍ត្រី ព្រុំ ប៊ុនធឿន មេបញ្ជាការ (គ១) បានទប់ស្កាត់ប្រជាពលរដ្ឋខ្មែរ ចំនួន ៦៥ នាក់ (ស្រី២៧នាក់) បម្រុងលួចឆ្លង ដែនខុសច្បាប់ ទៅរកការងារធ្វើ នៅប្រទេសថៃ នៅចំណុចភូមិសាមគ្គី ឃុំគោករមៀត ស្រុកថ្មពួក ខេត្តបន្ទាយមានជ័យ។
បន្ទាប់ពីបានទប់ស្កាត់រួចមក កងកម្លាំងបានបញ្ចូនប្រជាពលរដ្ឋខ្មែរដែលបានឆ្លងដែនខុសច្បាប់ មកទីបញ្ជាការដ្ឋាន នគរបាលការពារព្រំដែនគោក វរ:សេនាតតូចលេខ៨០៧ ដើម្បីសួរនាំ កំណត់មុខសញ្ញា (មេខ្យល់) នាំពលករឆ្លងដែន ដោយខុសច្បាប់ ៕