កាលពីថ្ងៃចន្ទ ខែមិនា ឆ្នាំ២០២២ យន្តហោះរបស់ក្រុមហ៊ុនអាកាសចរណ៍ចិនChina Easternបានធ្លាក់ នៅតំបន់ហ្កាងស៊ី ដោយមនុស្ស១៣២នាក់នៅក្នុងយន្តហោះត្រូវគេសង្ស័យថាបានស្លាប់ ទាំងអស់ ។ ក្រុមអ្នកជួយសង្គ្រោះជាង១.០០០នាក់ត្រូវបានបញ្ជូនទៅកាន់កន្លែងយន្តហោះធ្លាក់ ដើម្បីធ្វើការជួយសង្គ្រោះនិងស្វែងរកផងដែរ។
សូមជម្រាបថា យន្តហោះBoeing 737របស់ក្រុមហ៊ុនអាកាសចរណ៍China Eastern បានបាត់ការទាក់ទងក្នុងអំឡុងពេលហោះហើរចេញពីក្រុងគុនមីញទៅក្វាងចូវ។ ប៉ុន្តែយន្តហោះឥឡូវត្រូវបានបញ្ជាក់ថាធ្លាក់»។
ប្រធានាធិបតីចិន លោក ស៊ី ជីនភីង បានបញ្ជាអោយមានការស៊ើបអង្កេតពេញលេញមួយចំពោះឧបទ្ទវហេតុនេះដើម្បីធានា«សុវត្ថិភាពនៃប្រតិបត្តិការអាកាសចរណ៍ទាំងស្រុង»៕