អឺរ៉ុប៖ សហភាពអឺរ៉ុប បានផ្ដល់សិទ្ធិរស់នៅ និងធ្វើការ រយៈពេល ៣ឆ្នាំ សម្រាប់ជនភៀសខ្លួនអ៊ុយក្រែន ក្នុងសហភាពអឺរ៉ុប ក្រោមផែនការបន្ទាន់ វិបត្តិជនភៀសខ្លួនធំបំផុត របស់សហភាពអឺរ៉ុបនៅក្នុងរយៈពេល ១០០ឆ្នាំមកនេះ។
ទីភ្នាក់ងារអង្គការសហប្រជាជាតិ មនុស្សប្រមាណ ១លាននាក់បានភៀសខ្លួនចេញពីអ៊ុយក្រែន ចាប់តាំងពីរុស្ស៊ីបានបើកការវាយប្រហារ។ មនុស្សជាង ៤៥៤,០០០នាក់បានរត់ចូលប្រទេសប៉ូឡូញ ខណៈដែល ១១៦,០០០នាក់ទៀតបានចូលទៅក្នុងប្រទេសហុងការី, មនុស្ស ៦៧,០០០នាក់ចូលទៅកាន់ប្រទេសស្លូវ៉ាគី, មនុស្ស ៤៥,០០០នាក់ចូលទៅកាន់ប្រទេសរ៉ូម៉ានី និង ៧៩,០០០នាក់ផ្សេងទៀតចូលទៅកាន់ប្រទេសមូលដូវ៉ា ដែលមិនមែនជាសមាជិកសហភាពអឺរ៉ុបជាប្រទេសក្រីក្របំផុតនៅតំបន់អឺរ៉ុប៕