អ៊ុយក្រែន៖ លោក Volodymyr Zelenskyy ប្រធានាធិបតីអ៊ុយក្រែន បានចោទប្រកាន់រុស្ស៊ីថាបាន បន្តយុទ្ធនាការបាញ់ផ្លោងរបស់ខ្លួន ក្នុងពេលមានការចរចាក្នុងគោលបំណងបញ្ចប់សង្គ្រាមដែលកំពុងបន្ត លោក Zelenskyy បានថ្លែងសុន្ទរកថាតាមវីដេអូ ដោយបានលើកឡើងថា រុស្ស៊ីបានបាញ់ផ្លោងមកលើទឹកដីអ៊ុយក្រែន ខណៈគណៈប្រតិភូប្រទេសទាំងពីរបានបញ្ចប់កិច្ចពិភាក្សាក្នុងប្រទេសបេឡារុស។ លោក Zelenskyy បានបន្តថា ការធ្វើសកម្មភាពនៃការបាញ់កាំភ្លើងធំជាមួយនឹងការចរចា គឺជាការប៉ុនប៉ងរបស់វិមានក្រឹមឡាំងដើម្បីដាក់សម្ពាធលើទីក្រុងគីវ។
