បើតាមការចេញផ្សាយ ដោយសារព័ត៌មាន Business insider នៅថ្ងៃសុក្រ ទី២៥ ខែកុម្ភៈ ឆ្នាំ២០២២នេះ ប្រធានាធិបតីអ៊ុយក្រែន លោក Volodymyr Zelensky នឹងផ្ដល់ «មេដាយវីរបុរសជាតិនៃប្រទេសអ៊ុយក្រែន» ដល់ឆ្មាំ ការពារព្រំដែនទាំង ១៣នាក់ ដែលបានពលីជីវិតដើម្បីការពារកោះពស់ ឬកោះ Zmiinyi

(កៀវ)៖ បើតាមការចេញផ្សាយ ដោយសារព័ត៌មាន Business insider នៅថ្ងៃសុក្រ ទី២៥ ខែកុម្ភៈ ឆ្នាំ២០២២នេះ ប្រធានាធិបតីអ៊ុយក្រែន លោក Volodymyr Zelensky នឹងផ្ដល់ «មេដាយវីរបុរសជាតិនៃប្រទេសអ៊ុយក្រែន» ដល់ឆ្មាំ ការពារព្រំដែនទាំង ១៣នាក់ ដែលបានពលីជីវិតដើម្បីការពារកោះពស់ ឬកោះ Zmiinyi ដោយមិនព្រមទម្លាក់អាវុធចុះចាញ់នាវាចម្បាំងរុស្ស៊ីមួយគ្រឿង នៅក្នុងតំបន់សមុទ្រខ្មៅ។

លោក Zelensky បានបញ្ជាក់ដូច្នេះថា «នៅលើកោះហ្ស៊ីមីនយី (Zmiinyi), ឆ្មាំការពារព្រំដែនរបស់ យើងទាំងអស់បានការពារកោះនេះរហូតដល់ទីបញ្ចប់ ដោយពួកគេបានស្លាប់ក្នុងនាមជាវីរបុរស…ហើយខ្ញុំនឹងផ្ដល់មេដាយវីរបុរសរបស់អ៊ុយក្រែន ដល់ពួកគេ»៕