ឆ្នាំជូត៖ រាសីស្រុតចុះ។លោកអ្នកក្នុងថ្ងៃនេះត្រូវប្រយ័ត្នប្រយែង និងមានចិត្តត្រជាក់ទើបបញ្ហាអាក្រក់មិនអាចកើតឡើងបាន។ការប្រកបការងារលោកអ្នកជួបបញ្ហាច្រើន។សម្រាប់អ្នកប្រកបរបររកស៊ីជួញដូរវិញចូរប្រយ័ត្នគ្រោះចាញ់បោកគេនិងគ្រោះបាត់បង់ទ្រព្យសម្បត្តិផងដែរ។
រីឯបញ្ហាស្នេហាកំលោះក្រមុំមានការរីកលូតលាស់ទៅមុខតិចតួចនិងប្រយ័ត្នជម្លោះវិវាទព្រោះងាយឈានដល់ការប្រេះស្រាំបែកបាក់៕
ឆ្នាំឆ្លូវ៖ រាសីល្អជាមធ្យម។ថ្ងៃនេះបើលោកអ្នកមានសង្ឃឹមលើអ្វីមួយឃើញថាមិនសមគាប់បំណងនោះឡើយ។ការប្រកបការងារថ្ងៃនេះឃើញថាតែងមានឧបសគ្គខ្លះៗតាមយាយី។សំរាប់អ្នកប្រកបរបររកស៊ីជួញដូរពេលនេះមានការហូរចេញហូរចូលមិនទៀងទាត់ ដូច្នេះមិនគួរផ្សងព្រេងយកទៅលេងល្បែងស៊ីសងទ្បើយនាំមានការខាតបង់។
សម្ព័ន្ធស្នេហាប្រុសស្រីក្នុងថ្ងៃនេះមានភាពលូតលាស់ទៅមុខ និង ផ្អែមល្ហែមផងដែរ៕
ឆ្នាំខាល៖ រាសីស្រុតចុះ។នាពេលនេះលោកអ្នកត្រូវចេះថែរក្សាសុខភាពពីព្រោះថាងាយជួបនូវរោគយាយី។សំរាប់អ្នកប្រកបការងារនៅថ្ងៃនេះវិញគឺទៅមុខយឺត និងពិសេសងាយមានរឿងរាវជាមួយអ្នកដទៃច្រើនថែមទៀតផង។ចំពោះអ្នកប្រកបរបររកស៊ីជួញដូរក្នុងថ្ងៃនេះមានភាពប្រទាំងប្រទើស និង ផលចំណូលហូរចូលតិចតួចណាស់។
រីឯបញ្ហាស្នេហាប្រុសស្រីត្រូវពិនិត្យពិច័យឱ្យបានច្បាស់លាស់ទើបមិនត្រូវមករងកម្មនៅគ្រាខាងមុខ ៕
ឆ្នាំថោះ៖ រាសីខ្ពស់ត្រដែត។ការរស់នៅមានភាពសុខដុម ហើយចង់ទៅកាន់ទីណាមានតែក្រុមមនុស្សជួយយកអាសានិងស្វាគមន៍រាក់ទាក់។ការប្រកបការងាររបស់លោកអ្នកឃើញថាល្អគាប់ប្រសើរ និងក្រុមមនុស្សជួយជ្រោមជ្រែង។បើជាអ្នកប្រកបរបររកស៊ីជួញដូរវិញរកបានផលកម្រៃមានភាពធូរស្បើយជាងមុនបន្តិចវិញ ។
ចំពោះគូស្វាមីភរិយាមានភាពសុខដុមរមនា៕
ឆ្នាំរោង៖ រាសីស្រុតចុះ។ថ្ងៃនេះ ដំណើរជីវិតរបស់លោកអ្នកបើចង់ជួយនរណាម្នាក់ពុំសូវល្អប្រសើរទេ។ការប្រកបការងារពុំមានអ្វីប្រែប្រួលប្តូរផ្លាស់គួរជាទីកត់សម្គាល់ទេគឺដូចសព្វមួយដង។សម្រាប់អ្នកប្រកបរបររកស៊ីជួញដូរលោកអ្នកត្រូវប្រយ័ត្នកើតជម្លោះវិវាទដោយប្រការណាមួយ។
ចំពោះគូស្វាមីភរិយាងាយទាស់ទែង និងមានបញ្ហាជាមួយគ្នាណាស់៕
ឆ្នាំម្សាញ់៖ រាសីល្អជាមធ្យម។ក្នុងថ្ងៃនេះដួងរាសីរបស់លោកអ្នកល្អជាមធ្យម ដូចនេះឃើញថាធ្វើអ្វីមិនអាចលោភលន់ឬប្រកាន់ចិត្តឆេវឆាវបានទេបើពុំនោះនឹងទទួលផលអាក្រក់មកវិញជាក់ជាពុំខាន។ការប្រកបការងារលោកអ្នកត្រូវចេះសន្សំសេចក្តីសុខឱ្យបានច្រើន ហើយដាច់ខាតមិនត្រូវពេបជ្រាយឬប្រមាថអ្នកដទៃឡើយព្រោះនោះសុទ្ធសឹងនាំមកនូវក្តីលំបាកដល់អាត្មាខ្លួនឯងវិញប៉ុណ្ណោះ។សម្រាប់អ្នកប្រកបរបររកស៊ីជួញដូរត្រូវប្រុងប្រយ័ត្នក្រុមមនុស្សសម្តីផ្អែមល្ហែមបន្តិចព្រោះងាយធ្លាក់ក្នុងកលឧបាយគេណាស់។
សម្ព័ន្ធស្នេហាប្រុសស្រីពុំត្រូវផ្តោះផ្តងដោយសម្តីផ្លែផ្កាដាក់គ្នាឡើយប្រយ័ត្នកើតជម្លោះវិវាទឈានដល់ការបែកបាក់៕
ឆ្នាំមមី៖ រាសីស្រុតចុះ។នៅថ្ងៃនេះដួងរាសីធ្លាក់ស្រុតចុះ ម្ល៉ោះហើយលោកអ្នកតោងតែប្រយ័ត្នប្រយែងបញ្ហារោគជំងឺយាយី ។កិច្ចការងាររបស់លោកអ្នកជួបបញ្ហារាំងស្ទះបន្តិចបន្តួចតាមយាយី។អ្នកប្រកបរបររកស៊ីជួញដូរវិញលាភហេងទោះតូចឬធំហូរចូលមានភាពតានតឹងណាស់។
រីឯបញ្ហាសេចក្តីស្នេហាកំលោះក្រមុំបើជួបគ្នាថ្មី្មថ្មោងតែងមានការជឿនលឿនទៅមុខឆាប់រហ័ស តែបើថយក្រោយវិញក៏លឿនដែរ៕
ឆ្នាំមមែ៖ រាសីខ្ពស់ត្រដែត។ការរស់នៅលោកអ្នកត្រូវយកចិត្តទុកដាក់ថែទាំផ្ទះសម្បែង កូនចៅ ឬសូម្បីតែសាច់ញាតិព្រោះនោះសុទ្ធសឹងនាំមកនូវក្តីចម្រុងចម្រើន និងសេចក្តីសុខរបស់យើងទាំងអស់។ដោយសារដួងរាសីល្អប្រសើរ ដូចនេះផ្តល់ផលល្អសម្រាប់លោកអ្នកទំនាក់ទំនងសម្របសម្រួលការងារឬសម្រុកការងារអ្វីមួយពីព្រោះថាផលល្អៗតែងឆ្លើយតបមកវិញជានិច្ច។អ្នកប្រកបរបររកស៊ីជួញដូរបើលោកអ្នកចង់ផ្លាស់ទីកន្លែងលក់ដូរឬចង់ទិញទំនិញស្តុកទុកឃើញថាក៏ជាឱកាសប្រពៃណាស់ដែរ។
ចំពោះគូស្វាមីភរិយាមានភាពល្អូកល្អិនល្អណាស់ និង សុភមង្គលក្នុងក្រុមគ្រួសារទៀតផង៕
ឆ្នាំវក៖ រាសីល្អជាមធ្យម។ថ្ងៃនេះការធ្វើដំណើរទីជិតឆ្ងាយចូរប្រយ័ត្នពេលយប់ព្រលប់ព្រោះងាយរងគ្រោះដោយសារក្រុមមនុស្សបៀតបៀនយាយី។លោកអ្នកបើមានគម្រោងចង់ធ្វើអ្វីមួយគប្បីប្រយ័ត្នប្រយែងពីព្រោះងាយជួបគ្រោះចាញ់បោកគេណាស់។សម្រាប់អ្នកប្រកបរបររកស៊ីជួញដូរលោកអ្នកត្រូវគិតគូរបញ្ជីប្រាក់កាសឱ្យបានច្បាស់លាស់ ។
រីឯបញ្ហាសេចក្តីស្នេហាកំលោះក្រមុំមានការលូតលាស់ទៅមុខល្អតែក៏ងាយថយក្រោយណាស់ដែរគួរប្រយ័ត្នប្រយែង៕
ឆ្នាំរកា៖ រាសីស្រុតចុះ។ក្នុងថ្ងៃនេះលោកអ្នកមិនត្រូវជឿសម្តីក្រុមមនុស្សពេកឡើយប្រយ័ត្នគេនាំទុក្ខមកឱ្យដោយមិនដឹងខ្លួន។ការប្រកបការងារពុំសូវជឿនលឿនទេ ហើយពិសេសងាយមានបញ្ហាច្រើនជាងសព្វមួយដងថែមទៀត។ចំពោះអ្នកប្រកបរបររកស៊ីជួញដូរមានការទិញចូលលក់ចេញគ្រាន់រស់រវើកផងដែរតែយ៉ាងណាចូរប្រយ័ត្នគ្រោះបាត់របស់របរ និង គ្រោះចាញ់បោកគេដោយប្រការណាមួយ។
សម្ព័ន្ធស្នេហាកំលោះក្រមុំមានការប្រែប្រួលច្រើនពីព្រោះថាជួនផ្អែមល្ហែមជួនពាក់មុខយក្សដាក់គ្នា៕
ឆ្នាំច៖ រាសីខ្ពស់ត្រដែត។ក្នុងថ្ងៃនេះដោយសារឱកាសល្អៗមកដល់ហើយ ដូច្នេះលោកអ្នកត្រូវរវៀសរវៃញាប់ដៃញាប់ជើងបន្តិច ទើបបានផលហូរចូលច្រើន។ការប្រកបការងារហាក់មានភាពល្អប្រពៃ មានអ្នកធំតែងអាណិតស្រឡាញ់និងជួយជ្រោមជ្រែង ។អ្នកប្រកបរបររកស៊ីជួញដូរអំឡុងពេលនេះ តែងហុចផ្លែផ្កាគួរជាទីពេញចិត្តតែយ៉ាងណាក៏ត្រូវប្រុងប្រយ័ត្នព្រោះយីអ៊ុនរបស់អ្នកក៏ស្ថិតនៅក្នុងគ្រោះចាញ់បោកគេដែរ។
រីឯបញ្ហាសេចក្តីស្នេហាកំលោះក្រមុំមានភាពផ្អែមល្ហែមនិងស្រស់ស្រាយល្អប្រពៃ៕
ឆ្នាំកុរ៖ រាសីខ្ពស់ត្រដែត។ការរស់នៅទាំងស្ត្រីបុរសឃើញថាទុក្ខលំបាកទាំងឡាយត្រូវបានធូរស្បើយឡើងវិញ។ថ្ងៃនេះដួងរាសីរបស់លោកអ្នកបានលោតផ្លោះមកល្អប្រសើរ។ចំពោះអ្នកប្រកបរបររកស៊ីជួញដូរបើលោកអ្នកមិនធ្លាប់ចេញធ្វើជំនួញផ្លូវឆ្ងាយហើយចង់សាកល្បងមើលក៏ជាការល្អប្រសើរដែរព្រោះតែងហុចផ្លែផ្កាដូចសមប្រកប។
រីឯបញ្ហាសេចក្តីស្នេហាប្រុសស្រីកំពុងមានភាពស្រស់ស្រាយនិងផ្អែមល្ហែមប្រពៃណាស់៕
