ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នាព្រឹកថ្ងៃទី៣១ ខែមករា ឆ្នាំ២០២២នេះ បានមានប្រសាសន៍តបទៅក្រុមវិភាគនយោបាយមួយចំនួនដែលថា គណបក្សប្រជាជនកម្ពុជា គឺពុំមានថ្ងៃដែលបោះបង់ចោលថ្ងៃ៧មករានោះឡើយ ។ ការដែលសម្តេចបានមានប្រសាសន៍យ៉ាងដូច្នេះ ដោយឃើញមានក្រុមអ្នកវិភាគនយោបាយខ្លះ បានលើកឡើងថា ការដែលកន្លងមកគណបក្សប្រជាជនកម្ពុជា មិនបានប្រារព្ធខួបអនុស្សាវរីយ៍ថ្ងៃជ័យជំនះ៧មករា លើរបបប្រល័យពូជសាសន៍ដោយចង់បន្ថយឥទ្ធិពលពីវៀតណាម ជាដើមនោះ។ សម្តេចបានប្រតិកម្មតបយ៉ាងដូច្នេះថា ៧មករា បើទោះបីជាវៀតណាមមកជួយ ប៉ុន្តែជាអាយុជីវិតរបស់ប្រជាជនកម្ពុជា។ដូច្នេះគណបក្សប្រជាជនកម្ពុជា គឺគ្មានថ្ងៃដែលត្រូវបោះបង់ចោល៧មករានោះទេ។
សូមសំរាបថា ៖ ការរំលឹកខួបអនុស្សាវរីយ៍នៃថ្ងៃជ័យជន្នះ ៧មករា លើរបបប្រល័យពូជសាសន៍ ត្រូវបានគណបក្សប្រជាជនកម្ពុជា តែងតែប្រារព្ធមិទ្ទិញយ៉ាងឧឡារិក ជារៀងរាល់ឆ្នាំមិនដែលខានឡើយ។ ប៉ុន្តែការអាក់ខានមិនបានប្រារព្ធទិវាជាប្រវត្តិសាស្ត្រកាលពីដើមឆ្នាំកន្លងមកនេះ គឺដោយសារតែរាជរដ្ឋាភិបាលក៏ដូចជាគណបក្សបានគិតគូរនិងយកចិត្តទុកដាក់បង្ការ និងទប់ស្កាត់ការឆ្លងរីករាលដាលនៃជំងឺកូវីដ-១៩ ដែលបាននិងកំពុងឆ្លងមិនទាន់ផុតរលត់អស់នៅឡើយ៕
