ស្វាយរៀងៈ ថ្ងៃទី២៣ ខែមករា ឆ្នាំ២០២២ នេះ លោកស្រី កិត្តិសង្គហបណ្ឌិត ម៉ែន សំអន និងអធិការកិច្ច លោក ម៉ែន វិបុល អភិបាលខេត្តស្វាយរៀង បានអញ្ជើញជា អធិបតីក្នុងពិធី ជួប សិស្សានុសិស្ស និទ្ទេស A ចំនួន ២៦នាក់ ដែលបានប្រឡងជាប់ សញ្ញាបត្រមធ្យមសិក្សាទុតិយភូមិ នៅសាលប្រជុំធំ សាលាខេត្តស្វាយរៀង។ ក្នុងឱកាសនោះដែរ លោកស្រី បានពាំនាំនូវការផ្តាំផ្ញើការសាកសួរសុខទុក្ខពីសំណាក់ សម្តេចតេជោ នាយករដ្ឋមន្ត្រីនៃកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជូនដល់អង្គពិធីទាំងមូល នូវក្តីនឹករលឹក និងការគិតគូរ អំពីសុខទុក្ខប្រជាពលរដ្ឋ និងចៅៗ នាពេលនេះផងដែរ។
លោកស្រី បានបន្តថា លទ្ធផលដែលបានទទួលថ្ងៃនេះគឺដោយសារតែ ការខិតខំរបស់សិស្ស មាតាបិតា និងរបស់លោក អ្នកគ្រូនិងការធ្វើកំណែទម្រង់ របស់រដ្ឋាភិបាល លើវិស័យអប់រំ ។សំរាប់ សិស្សនិទ្ទេស A ទាំង២៦នាក់ ក្នុងម្នាក់ៗ ទទួលបានម៉ូតូ មួយគ្រឿងនិងថវិកា ១០ ម៉ឺនរៀលផងដែរ៕
