ឆ្នាំជូត: រាសីល្អជាមធ្យម។ ដំណើរជីវិតរបស់លោកអ្នកនាថ្ងៃនេះ សូមកុំចូលរួមដោះស្រាយរឿងអ្នកដ៏ទៃ ប្រយ័ត្នសោកស្ដាយនៅថ្ងៃក្រោយ។ លោកអ្នកមានការប្រកបការងារមានភាពប្រទាំងប្រទើសខ្លះៗក្នុងថ្ងៃនេះផងដែរ ត្រូវមានកាប្រុងប្រយ័ត្នបន្តិច។ អ្នកប្រកបរបររកស៊ីជួញដូរវិញមានដំណើរការទៅមុខលំបាកបន្តិចពិតមែនតែបានផល ជាទីគាប់ចិត្តផងដែរ។
រីឯសេចក្តីស្នេហាកំលោះក្រមុំមានការជឿនលឿនទៅមុខតិចតួច គប្បីមានការប្រយ័ត្នប្រយែងខ្លះៗទើបល្អ៕
ឆ្នាំឆ្លូវ: រាសីស្រុតចុះ។លោកអ្នក ក្នុងថ្ងៃនេះតែងមានគ្រោះយាយីខ្លះៗ ម្ល៉ោះហើយត្រូវចេះគ្រប់គ្រងអារម្មណ៍ខ្លួនឯង មិនត្រូវជះកំហឹងដល់អ្នកដទៃឡើយប្រយ័ត្នកើតជាបញ្ហាធំ ។ថ្ងៃនេះ ការប្រកបការងារអ្វីលោកអ្នកត្រូវមានការប្រយ័ត្នប្រយែងបន្តិច ទើបអាចជៀសផុតគ្រោះបាន។អ្នកប្រកបរបររកស៊ីជួញដូរការជួញទីជិតឆ្ងាយក្តីជួបផលលំបាកក្នុងការរកផលចំណូលណាស់ដែរ ។
រីឯបញ្ហាស្នេហាកំលោះក្រមុំសូមកុំចង់ធ្វើស្រេចតែចិត្តប្រយ័ត្នត្រូវរែកពន់ភាពទុក្ខសោកនាពេលក្រោយ ហើយនាំជីវិតជួបការលំបាក៕
ឆ្នាំខាល: រាសីខ្ពស់ត្រដែត។នៅថ្ងៃនេះជោគសំណាងបានត្រឡប់មកវិញ ហើយជោគសំណាងល្អៗបានចូលជំនួសវិញ។សម្រាប់អ្នកប្រកបការងារវិញមានកិច្ចការអ្វីថ្មីឬសូម្បីតែចាស់ក្តីលោកអ្នកត្រូវរួសរាន់បំពេញ ដើម្បីអោយជីវិតជួបផលល្អៗផងដែរ។ការធ្វើជំនួញទីជិតឆ្ងាយពុំមានអ្វីប្រែប្រួលទេ គឺដូចសព្វមួយដង។
រីឯបញ្ហាសេចក្តីស្នេហាកំលោះក្រមុំមានភាពផ្អែមល្ហែមល្អផងដែរ៕
ឆ្នាំថោះ: រាសីខ្ពស់ត្រដែត។ដំណើរជីវិតភ្លឺថ្លា ហើយចង់ធ្វើអ្វីមួយតែងតែបានសំរេច និងបានលទ្ធផលគ្រាន់ជាទីកក់ក្តៅ។ក្រៅពីនេះក៏ផ្តល់ផលល្អសម្រាប់លោកអ្នកសម្រេចចិត្តធ្វើ អ្វីមួយក៏អាចអនុវត្តបានហើយ។អ្នកប្រកបរបររកស៊ីជួញដូរការចេញធ្វើជំនួញទីជិតឆ្ងាយមានភាពលូតលាស់ទៅមុខប្រពៃ។
រីឯបញ្ហាសេចក្តីស្នេហាប្រុសស្រីមានភាពកក់ក្តៅ និងមានការយល់ចិត្តគ្នា ដូចសព្វមួយដង៕
ឆ្នាំរោង: រាសីស្រុតចុះ។ថ្ងៃនេះមិនផ្តល់ផលល្អក្នុងការទំនាក់ទំនងរឿងសំខាន់ៗទេ ពីព្រោះថាងាយភ្លាំងភ្លាត់ មិនសម្រេចដូចបំណងឡើយ។លោកអ្នកប្រកបការងារអ្វីក៏ដោយចូរកុំធ្វេសប្រហែសឱ្យសោះចូរចេះពិនិត្យពិច័យឱ្យល្អិតល្អន់ទើបពុំមានការភ្លាំងភ្លាត់ ឫខាតផលប្រយោជន៍។ចំពោះអ្នកប្រកបរបររកស៊ីជួញដូរវិញលោកអ្នកជួបរឿងមិនសមប្រកបច្រើន ព្រោះតែងរាសីក្នុងថ្ងៃនេះមិនសូវល្អ។
រីឯបញ្ហាស្នេហាប្រុសស្រីមានការប្រែប្រូលខ្លះៗ ជួនពាក់មុខខ្លាដាក់គ្នា ត្រូវមានការអត់ធ្មត់បន្តិចទើបល្អ៕
ឆ្នាំម្សាញ់: រាសីល្អជាមធ្យម។ក្នុងរយៈពេលនេះលោកអ្នកមិនត្រូវយកខ្លួនទៅធានារឿងរបស់អ្នកដទៃឡើយ ប្រយ័ត្នបានទោសត្រឡប់មកវិញ។ដោយឡែកនៅថ្ងៃនេះអ្នកប្រកបការងារពុំមានអ្វីលេចធ្លោទេគឺអ្វីៗដូចសព្វមួយដង។ការធ្វើជំនួញឆ្ងាយជិតឃើញថាពិបាករកប្រាក់ចំណូលខ្លាំងដែរ ។
សម្ព័ន្ធស្នេហាកំលោះក្រមុំហាក់ពុំជឿនលឿនទៅមុខ ហើយក៏មិនថយក្រោយដែរ៕
ឆ្នាំមមី: រាសីខ្ពស់ត្រដែត។ការធ្វើអ្វីមួយរបស់លោកអ្នកគឺតែងសម្រេចជោគជ័យដូចបំណង ។នៅថ្ងៃនេះ ផ្តល់ផលល្អសម្រាប់លោកអ្នកសម្រេចចិត្ត ឬចុះប្រកបកិច្ចការងារអ្វីមួយផង។អ្នកប្រកបរបររកស៊ីជួញដូរទោះជួញទីជិតឆ្ងាយការរកផលកម្រៃមានភាពធូរស្បើយជាងមុន។
សម្ព័ន្ធស្នេហាកំលោះក្រមុំគឹជាពេលវេលាល្អប្រពៃបំផុត៕
ឆ្នាំមមែ: រាសីល្អជាមធ្យម។ក្នុងរយៈពេលនេះ ប្រាក់កាសជួបបញ្ហាខ្វះមុខខ្វះក្រោយធ្វើឱ្យលោកអ្នកទទួលរងផលលំបាកច្រើន។នៅពេលនេះបើលោកអ្នកមានកិច្ចការអ្វីលោកអ្នកគប្បីចាត់ចែងឱ្យឆាប់ចប់ពីព្រោះថាឆ្លងដល់សប្តាហ៍ក្រោយផលលំបាកក៏មានច្រើនជាងនេះផង។ចំពោះអ្នកប្រកបរបររកស៊ីជួញដូរវិញមានការហូរចូលមួយៗការជួញធំគប្បីមានការប្រយ័ត្នប្រយែងព្រោះថាងាយចាញ់បោកគេណាស់។
រីឯបញ្ហាសេចក្តីស្នេហាប្រុសស្រីមានការប្រែប្រូលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំវក: ថ្ងៃនេះដួងរាសីល្អជាមធ្យម។ ក្នុងរយៈពេលនេះលោកអ្នកមិនត្រូវឱ្យគេជំពាក់បំណុល ឬឱ្យគេខ្ចីប្រយ័ត្នជួបគ្រោះចាញ់បោកគេ។ការប្រកបការងារលោកអ្នកត្រូវចេះតស៊ូនិងយកបញ្ញាជាអាវុធដោះស្រាយទើបប្រសើរ ។ចំពោះអ្នកប្រកបរបររកស៊ីជួញដូរវិញ ចង់រកស៊ីអ្វី ឃើញថាមានភាពរីកលូតលាស់ល្អ ព្រោះអាចមានការជឿនលឿនគ្រាន់គាប់ប្រសើរផងដែរ។
សម្ព័ន្ធស្នេហាកំលោះក្រមុំគឹថាមនុស្សភេទផ្ទុយគ្នាចាប់អារម្មណ៍ពិសេសអាចក្លាយជាគូគាប់ទៀតផង៕
ឆ្នាំរកា: រាសីស្រុតចុះ។ក្នុងរយៈពេលនេះដោយសារចំណូលជីវភាពរបស់លោកអ្នកខ្សត់ខ្សោយ ម្ល៉ោះហើយត្រូវចេះចាយវាយក្បិតក្បៀតបន្តិច។ក្នុងថ្ងៃនេះបើទោះបីធ្វើអ្វីក៏ដោយលោកអ្នកតោងតែមានចិត្តត្រជាក់ទើបមិនមានបញ្ហាកើតឡើង។សម្រាប់អ្នកប្រកបរបររកស៊ីជួញដូរទាំងការជួញទីជិតឆ្ងាយការរកផលកម្រៃទោះជួបផលលំបាកតិចតួចមែនតែក៏មានហូរចូលមួយៗគ្រាន់បំពេញបំពង់អញ្ចឹងដែរ។
រីឯបញ្ហាសម្ព័ន្ធស្នេហាកំលោះក្រមុំមានការជឿនលឿនទៅមុខតិចតួចណាស់ ៕
ឆ្នាំច: រាសីខ្ពស់ត្រដែត។ថ្ងៃនេះបញ្ហាកិច្ចការងារ និងបញ្ហាប្រាក់កាសលោកអ្នកហាក់បានធូរស្រាលបន្តិចវិញ។ការបំពេញការងារអ្វីតែងងាយឆាប់ចប់និងសម្រេចលទ្ធផលគួរជាទីពេញចិត្ត។ លោកអ្នកអាចបណ្តាក់ទុនរកស៊ីមិនថាតូចតាចឬធំដុំក្តីគឺតែងអាចមានផ្លែផ្កាសឹងតែទាំងអស់ផងដែរ។
សម្ព័ន្ធស្នេហាកំលោះក្រមុំមានភាពស្និទ្ធស្នាលនិងមានភាពផ្អែមល្ហែមដូចប្រក្រតី៕
ឆ្នាំកុរ: រាសីល្អជាមធ្យម។នៅថ្ងៃនេះលោកអ្នកធ្វើដំណើរទៅណាមកណាមិនគប្បីជឿក្រុមមនុស្សខ្ចាត់ព្រាត់ឡើយប្រយ័ត្ននាំទុក្ខទោសដាក់ខ្លួនមកវិញដោយប្រការណាមួយ។ការប្រកបការងារបើទោះបីថ្ងៃនេះមានបញ្ហាខ្លះៗយាយី ឬអ្នកខ្លះមានរឿងរាវទំនាស់កើតឡើង ប៉ុន្តែលោកអ្នកក៏អាចដោះស្រាយបានជ្រះស្រឡះដែរ ។ក្នុងរយៈពេលនេះបើមានញាតិបងប្អូន ឬមិត្តភក្តិបបួលដាក់ទុនក្នុងរឿងអ្វីមួយត្រូវចេះត្រិះរិះឱ្យបានល្អិតល្អន់ទើបមិននាំអំពលទុក្ខដាក់ខ្លួន និងមិនចាញ់បោកគេ ។
រីឯបញ្ហាស្នេហាកំលោះក្រមុំឬពោះម៉ាយមេម៉ាយក្តីកុំឃើញភ្លាមស្រឡាញ់ភ្លែតឬចង់យកល្បែងនេះលេងសើចប្រយ័ត្ននាំកើតរឿងរាវដំបៅទ្រូងនៅគ្រាខាងមុខ៕
