ខេត្តបន្ទាយមានជ័យ ៖ សម្ដេចតេជោឧបត្ថម្ភផ្លែមៀនលើកទី២ចំនួនទៀតតោនដល់អាជ្ញាធរខេត្តបន្ទាយមានជ័យ កាលពីថ្ងៃទី២៣ខែសីហា ឆ្នាំ២០២១។
លោកអ៊ុ រាត្រី អភិបាលខេត្តបន្ទាយមានជ័យ អមដំណើរដោយ លោកស្រី រស់ សុផានី អភិបាលរងខេត្ត លោក កេតុ វណ្ណស៊ីន នាយកទីចាត់ការហិរញ្ញវត្ថុសាលាខេត្ត អញ្ជើញបន្តនាំយកផ្លែមៀន ជាអំណោយដ៍ថ្លៃថ្លាសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធិបណ្ឌិត ទៅជូនពលករធ្វើចត្តាឡីស័កតាមមណ្ឌល និងមណ្ឌលព្យាបាល នៅមណ្ឌលធ្វើចត្តាឡីស័កស្រុកមង្គលបូរី ខេត្តបន្ទាយមានជ័យ។
ផ្លែមៀន ដែលលោកអភិបាលខេត្ត ទទួលបានពីក្រុមការងារ ដឹកនាំដោយឯកឧត្តមនាយឧត្តមសេនីយ៍កិត្តិបណ្ឌិត ហ៊ីង ប៊ុនហៀង នាយករងខុទ្ទកាល័យសម្តេចតេជោ ហ៊ុន សែន ចុះប្រមូលទិញផ្លែមៀន (តាង៉ែន)ពីប្រជាកសិករនៅខេត្តបាត់ដំបង។
នេះជាលើកទី២ដែលខេត្តទទួលផ្លែមៀន ២តោនបន្ថែមទៀត សរុបប្រមាណជាង ៤តោន ដើម្បីបែងចែកជូនទៅកាន់ប្រជាពលករ បានកំពុងធ្វើចត្តាឡីស័កតាមមណ្ឌលនានាតាមក្រុង/ស្រុក ។
ក្នុងនាមរដ្ឋបាលខេត្ត មន្ត្រីរាជការ កងកម្លាំងនិងបងប្អូនប្រជាពលរដ្ឋទាំងអស់ សូមគោរពថ្លែងអំណរគុណ និងជូនពរសម្តេចតេជោ និងសម្តេចកិត្តិព្រឹទ្ធបណ្ឌិត សូមទទួលបាននូវសុខភាពល្អបរិបូរណ៍ កម្លាំងមាំមួនខ្លាំងក្លា បញ្ញាញាណវាងវៃ ជន្មាយុយឺនយូរ និងទទួលបានជោគជ័យត្រចះត្រចង់ក្នុងដឹកនាំប្រទេសជាតិឲ្យមានការរីកចម្រើន៕
